तुम्हीही नोकरी करत असाल तर सण जवळ येताच सुट्टीची गरज भासून येते. आपण सर्वांना साप्ताहिक सुट्टीचीही प्रतीक्षा असतेच. आता तुम्हा सर्वांना एक प्रश्न पडला असेल की भारताचे राष्ट्रपती आणि पंतप्रधान यांनाही आपल्याप्रमाणे सुटी मिळते का? ते आपल्या कमावरून रजा घेऊ शकतात का? तुम्हाला वाटेल की हे दोघे हवे तेव्हा रजा घेऊ शकतात. पंतप्रधान नरेंद्र मोदी यांनी पदभार स्वीकारल्यापासून एकही रजा घेतली नसल्याचे तुम्ही ऐकले असेल. या लेखात या बाबत सविस्तर जाणून घेऊया.
राष्ट्रपतींना किती सुट्ट्या असतात : राष्ट्रपती हा देशाचा पहिला नागरिक असतो. त्यांना विविध सुविधा पुरविल्या जातात. त्यामुळे त्यांना अनेक शासकीय सुविधा दिल्या जातात. त्यांना दरमहा ५ लाख रुपये पगार मिळतो. याशिवाय भोजन, कर्मचारी आणि राष्ट्रपतींना भेटणारे पाहुणे यांच्या स्वागतासाठी वेगळे पैसे दिले जातात. राष्ट्रपतींना काही सुट्ट्याही दिल्या जातात. हैद्राबादमधील राष्ट्रपती निलयम आणि शिमला येथील रिट्रीट बिल्डिंगमध्ये ते आपल्या कुटुंबासोबत काही निवांत क्षण घालवू शकतात.
पंतप्रधान यांना किती सुट्ट्या मिळतात : देश चालवण्याची खरी जबाबदारी पंतप्रधानांवर आहे. मंत्रिमंडळातील हेराफेरी, सत्ता उलथणे, युद्ध-शांतता आणि आणीबाणीमध्ये पंतप्रधानांची जबाबदारी आणखी वाढते. पंतप्रधानांच्या रजेबाबत आरटीआयला उत्तर देताना पीएमओने सांगितले की, देशाचे पंतप्रधान नेहमीच ड्युटीवर असतात. त्यामुळे देशाच्या पंतप्रधानांसाठी कोणत्याही प्रकारची अधिकृत सुट्टी देण्याची तरतूद नाही. माजी पंतप्रधानांच्या सुट्ट्यांची कोणतीही नोंद त्यांच्याकडे नाही, असे पीएमओचे उत्तर होते. यापूर्वीचे पंतप्रधान मनमोहन सिंग यांनी सुटी घेतली की नाही याचीही नोंद नाही. उल्लेखनीय आहे की, विद्यमान पंतप्रधान नरेंद्र मोदी यांनी मी एकही सुट्टी घेतली नाही, असे अनेकवेळा सांगितले. मी सुट्टी न घेता दिवसाचे १८ तास काम करतो असे त्यांनी एका भाषणात संगितले आहे.
या पंतप्रधानांनी घेतल्या सुट्ट्या : एका आरटीआय अर्जावर पीएमओने उत्तर दिले की, पंतप्रधानांना सुट्टी देण्याची तरतूद नाही. मात्र, माजी पंतप्रधानांनी गरजेच्या वेळी सुट्या घेतल्या आहेत. 1986 मध्ये राजीव गांधी ते अटलबिहारी वाजपेयी आणि मनमोहन सिंग यांनी या ना त्या कारणाने रजा घेतली. 1986 मध्ये राजीव गांधी पंतप्रधान असताना राजस्थानमधील रणथंबोर राष्ट्रीय उद्यानाला भेट देण्यासाठी गेले होते. अटलबिहारी वाजपेयीही डिसेंबरच्या अखेरीस रजेवर असायचे. अशा परिस्थितीत, गेल्या 35 वर्षात मोदी हे पहिले पंतप्रधान ठरले आहेत ज्यांनी आपल्या कार्यकाळात एकही सुट्टी घेतली नाही. मनमोहन सिंग 2009 च्या सुरुवातीला हृदय शस्त्रक्रियेसाठी रजेवर असताना प्रणव मुखर्जी यांनी त्यांच्या जागी प्रभारी पदभार स्वीकारला होता. तसेच मोदी देशाबाहेर असताना अमित शहा मंत्रिमंडळाची बैठक घेतात.
