नमस्कार मित्रांनो. आपण आपल्या इन्फोईन मराठी या वेबसाइट आणि फेसबुक पेज वर दररोज नवनवीन आणि उपयुक्त माहिती आपल्या वाचकांसाठी घेऊन येतो. ही माहिती सध्या, सोप्या आणि समजेल अश्या भाषेत देण्याचा आमचा प्रयत्न असतो. आज देखील आपणासाठी आम्ही एका खास विषयावर उपयुक्त माहिती घेऊन आलो आहेत, त्यामुळे लेख शेवटपर्यंत वाचा.
तुमच्याकडे किंवा तुमच्या घरात एखादी चार चाकी नक्कीच असेल. चार चाकी गाडी नसेल तर मोटरसायकल तर नक्कीच असेल. जेंव्हा तुम्ही एखादे वाहन चालवत असतं आणि ट्रॅफिक पोलिस तुम्हाला अडवून तुमचे इन्शुरन्सचे कागदपत्र मागतो तेंव्हा तो नेमक्या कोणत्या इन्शुरन्स बद्दल बोलत असतो? तुमची गाडी चोरी गेल्यानंतर तुम्हाला नुकसान भरपाई देणारा इन्शुरन्स की दूसरा कोणता? तर, ट्रॅफिक पोलिस तुमच्या वाहनाचे थर्ड पार्टी इन्शुरन्स वैध आहे किंवा कसे हे तपासून पाहत असतो.
आता तुम्ही म्हणाल हे थर्ड पार्टी इन्शुरन्स नेमकं काय असतं? या इन्शुरन्स मध्ये चोरीला गेलेली गाडी किंवा अपघातात डॅमेज झालेल्या गाडीची नुकसान भरपाई मिळत नसते का? थर्ड पार्टी इन्शुरन्सचा क्लेम केंव्हा करतात? काळजी करू नका, या सर्व प्रश्नांची उत्तरे तुम्हाला या लेखात सविस्तर मिळतील. त्यामुळे हा लेख शेवटपर्यंत वाचा.
कार अपघातादरम्यान थर्ड पार्टीचे नुकसान भरून काढण्यासाठी काढलेल्या विम्याला थर्ड पार्टी कार इन्शुरन्स म्हणतात. मोटार वाहन कायद्यांतर्गत, प्रत्येक कार मालकाने हा विमा घेणे बंधनकारक आहे जेणेकरून भविष्यात, त्याच्या कारमुळे इतर कोणत्याही व्यक्तीचे, वाहनाचे किंवा मालाचे नुकसान झाल्यास, त्या कार मालकास विम्याच्या रकमेतून नुकसान भरून काढता येईल.
कारमुळे कोणत्याही मालमत्तेचे नुकसान झाले असेल, इतर कोणत्याही वाहनाचे नुकसान झाले असेल, कोणत्याही व्यक्तीला किंवा प्राण्याला दुखापत झाली असेल, अपंगत्व आले असेल किंवा मृत्यू झाला असेल तर ते सर्व थर्ड-पार्टी इन्शुरन्स अंतर्गत संरक्षित असतात आणि या सर्वांची भरपाई करण्यासाठी या विम्याच्या रकमेचा क्लेम करू शकतात.
जर दोन विमा उतरवलेल्या कार एकमेकांना धडकल्या, तर अशा परिस्थितीत दोन्ही कार मालक त्यांच्या संबंधित कार विम्याच्या रकमेतून नुकसान भरपाई देतील किंवा त्यांची कार ज्या कारशी टक्कर झाली त्या कारच्या थर्ड पार्टी इन्शुरन्स रकमेची मागणी करतील. जर, दोन्ही कार मालकांचे यावर एकमत होत नसेल तर कोर्टातून यावर तोडगा काढला जाऊ शकतो.
जर तुमच्या कारला दुसर्या कारमुळे अपघात झाला, तर न्यायालयाच्या निर्देशानुसार, तुमच्या कारला झालेल्या नुकसानीची भरपाई इतर पक्षाकडून केली जाईल. पण जर ती रक्कम कार रिपेअरिंगसाठी कमी पडली, तर अशा परिस्थितीत तुम्ही तुमच्या कारच्या इन्शुरन्सचा दावा करू शकत नाही. एका घटनेसाठी, तुम्ही फक्त एक कार विम्याचा दावा करू शकता, म्हणजे एकतर तुमच्या कारचे नुकसान करणाऱ्या व्यक्तीकडून मिळालेली थर्ड पार्टी इन्शुरन्सची रक्कम किंवा तुमच्या स्वतःच्या कारवरील विम्याची रक्कम.
IRDAI मार्गदर्शक तत्त्वांनुसार, तुमच्या कारमुळे कोणत्याही मालमत्तेचे नुकसान झाल्यास, तुम्ही थर्ड पार्टी इन्शुरन्स अंतर्गत जास्तीत जास्त 7.5 लाख रुपयांचा दावा करू शकता. त्याच वेळी, मृत्यूच्या बाबतीत कोणतीही मर्यादा निश्चित केलेली नाही.
तुमच्या कारच्या अपघातामुळे झालेल्या नुकसानीची भरपाई करण्यासाठी थर्ड पार्टी इन्शुरन्स पुरेसा आहे. परंतु त्या अपघातात तुमच्या कारचे झालेले नुकसान भरून काढण्यासाठी तुम्ही एक सर्वसमावेशक विमा पॉलिसी (कोंप्रीहेंसिव कव्हर) निवडणे आवश्यक आहे ज्यामध्ये थर्ड पार्टीसह तुमच्या कारचे नुकसानही भरून काढले जाईल.
सूचना: वरील माहिती उपलब्ध माहितीचा अभ्यास करून तसेच वेगवेगळ्या इंटरनेट स्रोतांचा अभ्यास करून प्रदर्शित करण्यात आलेली आहे. सदर माहिती हि सामान्य जनतेमध्ये जागरूकता निर्माण करण्यासाठी प्रदर्शित करण्यात आली आहे या माहितीमध्ये काही त्रुटी आढळ्यास त्यास मानवी चूक मानले जावे.
सदर लेख अथवा लेखातील कुठल्याही भागाचे छापील, इलेक्ट्रॉनिक माध्यमात परवानगीशिवाय पुनर्मुद्रण किंवा कुठल्याही सोशल मीडियात कॉपी-पेस्ट करून पुनर्लेखन करण्यास सक्त मनाई आहे. याचे उल्लंघन केल्याचे आढळल्यास कायदेशीर कारवाई करण्यात येईल. लेख आपल्या मित्र, मैत्रिणींना पाठवण्यासाठी उपलब्ध पर्यायांचा वापर करून जरूर शेअर करा.
