नमस्कार मित्रांनो. आपण आपल्या इन्फोईन मराठी या वेबसाइट आणि फेसबुक पेज वर दररोज नवनवीन आणि उपयुक्त माहिती आपल्या वाचकांसाठी घेऊन येतो. ही माहिती सध्या, सोप्या आणि समजेल अश्या भाषेत देण्याचा आमचा प्रयत्न असतो. आज देखील आपणासाठी आम्ही एका खास विषयावर उपयुक्त माहिती घेऊन आलो आहेत, त्यामुळे लेख शेवटपर्यंत वाचा.
इलॉन मस्कचा न्यूरालिंक प्रकल्प सध्या जगभरात चर्चेचा विषय बनला आहे. न्यूरालिंकने बनवलेली ब्रेन चिप मानवी चाचणीपूर्वीच वादात सापडली आहे. एका अहवालानुसार, या ब्रेन चिप्सची चाचणी प्राण्यांवर केली जात आहे. इलॉन मस्क यांनी लवकरात लवकर चाचणी करण्याबाबत बोलल्याचं सांगितलं जात आहे. त्यामुळे हजारो जनावरांना जीव गमवावा लागला आहे.
अलीकडेच इलॉन मस्क म्हणाले होते की, लवकरच स्टारलिंक ब्रेन चिप इंटरफेसची मानवी चाचणी सुरू केली जाईल. इलॉन मस्क यांचा दावा आहे की या ब्रेन चिप्सच्या मदतीने मानवातील टेट्निससह अनेक आजारांवर उपचार केले जाऊ शकतात. 2021 मध्ये, न्यूरालिंकने एका माकडावर प्रयोग केला ज्यामध्ये असे दिसून आले की ज्या माकडात ही ब्रेन चिप बसवली होती, त्याने लवकरच व्हिडिओ गेम खेळायला सुरुवात केली.
प्रसिद्ध उद्योगपती एलोन मस्क यांची कंपनी न्यूरालिंक एक चिप बनवत आहे जी मेंदूमध्ये प्रत्यारोपित केली जाऊ शकते. या चिपच्या मदतीने मानवी मनावर नियंत्रण ठेवता येते. याचा वैद्यकीय क्षेत्रातही मोठा फायदा होणार असून रुग्णांवर उपचारही करता येणार असल्याचे इलॉन मस्क यांचे म्हणणे आहे. आगामी काळात या चिपच्या मदतीने तुम्ही मोबाईल किंवा कॉम्प्युटरसारख्या गोष्टींचा वापर फक्त तुमच्या विचाराने करू शकाल असा दावाही इलॉन मस्क यांनी केला आहे.
जगातील सर्व वैज्ञानिक दीर्घकाळापासून मानवी मन नियंत्रित करणारी चिप बनवण्यात मग्न आहेत. मानवी मेंदूमध्ये बसू शकेल आणि त्याच्यासोबत एकत्रितपणे काम करू शकेल अशी चिप आणि तंत्रज्ञान विकसित करणे हे त्यांचे ध्येय आहे. एलोन मस्कचा न्यूरालिंक ब्रेन चिप प्रकल्प हा त्याचाच एक भाग आहे. या प्रकल्पांतर्गत इलॉन मस्क यांना आर्टिफिशियल इंटेलिजन्स सिस्टीमवर आधारित असे तंत्रज्ञान विकसित करायचे आहे, ज्याच्या मदतीने तुम्ही तुमच्या मनात विचार करून अनेक गोष्टी करू शकता. यामध्ये ब्रेन चिपच्या मदतीने माणसांच्या भावनांवरही नियंत्रण ठेवण्याचा प्रयत्न केला जात आहे.
ब्रेन कॉम्प्युटर इंटरफेस ही एक प्रकारची चिप आहे. जेव्हा ही चिप मेंदूला जोडली जाते, तेव्हा मेंदू आणि संगणक सिंक होतात. यामध्ये मेंदूचे न्यूरॉन्स आणि कॉम्प्युटर चिप एकमेकांचे भाग बनतात. या चिप्सच्या मदतीने माणसांच्या मनाशी खेळण्याचे स्वप्न कंपन्या बघत आहेत. सध्या, कंपन्या या प्रकारच्या ब्रेन चिपचे फायदे मोजत आहेत, परंतु धोक्यांबद्दलही बरीच चर्चा आहे. इलॉन मस्क यांनी असेही म्हटले आहे की या चिप्सच्या मदतीने अंध व्यक्तींना देखील पाहता येईल आणि पक्षघात (अर्धांगवायू) झालेल्या लोकांना देखील डिजिटल उपकरणे वापरता येतील.
न्यूज एजन्सी रॉयटर्सनुसार, न्यूरालिंक कंपनीच्या अनेक कर्मचाऱ्यांनी सांगितले की, प्राण्यांवर ब्रेन चिपची चाचणी घाईघाईत केली जात आहे. अहवालानुसार, 2018 सालापासून प्राण्यांवर करण्यात येत असलेल्या प्रयोगांमध्ये गडबड झाल्यामुळे 280 हून अधिक मेंढ्या, डुक्कर आणि शेकडो माकडांसह सुमारे 1,500 प्राण्यांचा मृत्यू झाला आहे. कंपनीच्या कर्मचार्यांनी असाही दावा केला आहे की एलोन मस्कवर लवकरात लवकर चाचणी करून घेण्याचा दबाव आहे. या घाईमुळे जनावरे मरत आहेत.
जर आपण मानवी मनाकडे पाहिले तर ते एक अतिशय गुंतागुंतीचे नैसर्गिक यंत्र आहे. मेंदूमध्ये मानवी केसांपेक्षा अनेक पटीने पातळ फायबरसारखी रचना असते. त्यांच्या सहाय्यानेच ते मेंदूचे काम करते. त्यामुळेच इलॉन मस्कच्या या प्रकल्पाकडे संशयाने पाहिले जात आहे. चाचणीदरम्यान जनावरांचा मृत्यू झाल्याने गंभीर प्रश्न उपस्थित होत आहेत. अशा स्थितीत जगाच्या नजराही मानवी चाचणीवर खिळल्या आहेत. प्राण्यांच्या मृत्यूनंतर मानवी चाचण्यांना आणखी विलंब होऊ शकतो. इलॉन मस्क कोणत्या आधारावर माकडांचे व्हिडीओ गेम खेळण्याचा दावा करत आहेत, त्यांचा मानवी मनावर काय परिणाम होतो, हे पाहणे महत्त्वाचे ठरणार आहे.
सूचना: वरील माहिती उपलब्ध माहितीचा अभ्यास करून तसेच वेगवेगळ्या इंटरनेट स्रोतांचा अभ्यास करून प्रदर्शित करण्यात आलेली आहे. सदर माहिती हि सामान्य जनतेमध्ये जागरूकता निर्माण करण्यासाठी प्रदर्शित करण्यात आली आहे या माहितीमध्ये काही त्रुटी आढळ्यास त्यास मानवी चूक मानले जावे.
सदर लेख अथवा लेखातील कुठल्याही भागाचे छापील, इलेक्ट्रॉनिक माध्यमात परवानगीशिवाय पुनर्मुद्रण किंवा कुठल्याही सोशल मीडियात कॉपी-पेस्ट करून पुनर्लेखन करण्यास सक्त मनाई आहे. याचे उल्लंघन केल्याचे आढळल्यास कायदेशीर कारवाई करण्यात येईल. लेख आपल्या मित्र, मैत्रिणींना पाठवण्यासाठी उपलब्ध पर्यायांचा वापर करून जरूर शेअर करा.
